Ørsta imponerte under krinsmeisterskapet i friidrett


Møre- Nytt 14.01.2025

Ørsta IL friidrett Olve Øyehaug

Ørsta IL friidrett stilte med 19 utøvarar på innandørs krinsmeisterskap i friidrett.


i Klassen J-14 stilte Ørsta igjen veldig sterkt og tok heim heile 15 medaljer.


I fleire av øvingane tok jentene alle tre pallplassane, som i lengde med tilløp og lengde utan tilløp

J-14 frå Ørsta er Kiara Andrianjafintrimo, Naomi Andrianjafintrimo, Hedda Bjørdalsbakke Saure, Andrea Myklebust Hunnes og Mathilde Hagen Steinnes.

Det er mange unge talent i friidrettsgruppa. Ein av dei er Tizian Andrianjafintrimo i klassen G-11. Han tok med seg heim fire gullmedaljer og svært lovande resultat: 60 m på 9,36 sek. Lengde utan tilløp 2,24 meter. Lengde med tilløp 4,12 meter og 200 meter på 31,66 sek.


I klassen G-12 er det og sterke utøvarar: Peter Flatjord Tofteland, Amandus Forberg Øyehaug og Jakob Myklebust Hunnes tok alle med seg gullmedaljer heim. Jakob vann stavhopp, Amandus vann kule og lengde. Peter vann

60 m (8,97 sek) 60 m hekk (11,00 sek) og 200 m (30,33 sek.

I tillegg fekk dei mange andre gode resultat og plasseringar.


Lotta flatjord Tofteland J-12 imponerte igjen med 1,38 i høgde, ny personleg rekord og solid gull. Ho vann og 60 m hekk

(12,16 sek) og lengde (4,03 m).


Kristoffer Aam klasse G-13 para vart gullmedaljevinner i alle øvingane han deltok.

Madelene Almestad J-15 fekk opp framifrå resultat i lengde (4,90 m) og kule (10,17 m). begge resultata var ny personleg rekord og gav gull. Ragne Øyehaug tok ein god fjerdeplass i lengde med 4,15 m.


Johnson Dimmen G-15 er svært spenstig, og tok med seg medaljer heim i lengde (4,59 m), lengde utan tilløp (2,35 m)

og høgde 1,40 m.


Pia Flatjord Tofteland J-16 tok med seg tre krinsmeistermedaljer heim i 60 m hekk, 200 meter og lengde.


Også på dette stemnet stilte familien Bjørdalsbakke med tre generasjonar; dattera Hedda, mor Tone og mormor Grete.

I kule (4 kg) kvinner senior vart det ein svært spennande kamp der Grete støytte kula 8,67 meter og tok sølvmedaljen med ein margin på en centimeter ned til Tone som støytte 8,66 meter og fekk bronse.


Dei to yngste deltakarane fra Ørsta var Kaisa Bjørdalsbakke Saure og Maeli Andrianjafintrimo. Dei deltok i 10 års klassa.


KM friidrett innandørs vart arrangert i Ulsteinhallen 11-12. januar. Det var stor stemning i hallen begge dagar, med god innsats og stor idrettsglede. Klubbane i krinsen samarbeidde om å arrangere  mesterskapet. Det var god deltaking på KM med 173 deltakarar fra 19 klubbar.