Blei nordisk meister og sette norgesrekord

Odd-Sølve I.Grannes - Sunnmørsposten 20.02.2025

Grete Bjørdalsbakke fra Ørsta held frem med å imponere i kule.

64-åringen frå Ørsta blei i helga både nordisk meister og norgesmeister under NM og Nordisk meisterskap for veteraner på Nes i helga. det skjedde i i klassa for kvinner mellom 65-69 år

Bjørdalsbakke støytte 9,86 m som sitt beste resultat. det held til gull med god margin, 78 centimeter,  føre Siv Karlström fra Finland. Dette er også det lengste ei norsk kvinne i klassa har støytt nokon gong, det vil seie norsk rekord med tre kilos kula.

Også dottera, Tone Bjørdalsbakke Saure, blei norgesmeister i helga. Ho fekk også bronse i nordiske meisterskap i klassa for kvinner mellom 35-39 år, ho oppnådde 8,95 meter med 4 kilos kule.

NM-gull til mor og dotter

Møre-Nytt 18.02.2025

Ørsta IL Friidrett - Olve Øyehaug

Det vart NM-gull til både mor og datter i Nes Arena i Akershus denne helga.

Grete Bjøredalsbakke vart både nordisk meister og norgesmeister i kule i veteranklassen KV65-69 med kulestøt på 9,86 meter. Dette er ny norsk veteranrekord kule 3 kg i KV65-69.

Grete gjekk opp i tet allereie i første omgang. I andre omgang kom lengste støt og ny norsk rekord. Grete hadde ein solid margin med heile 78 cm ned til andreplassen. Ho hadde den gode serien 8,79 - 9,86 - 9,59 - 9,39 - 9,62 - 9,77. Grete var godt nøgd med både resultat og plassering, men avslørte at ho har endå høgre mål enn dette i år: - 10 meteren let vente på seg, sa ho med eit smil etter premieutdelinga.

Tone Bjørdalsbakke Saure vart norgesmeister i kule og tok bronse i nordisk meisterskap i veteranklassa KV35-39 med gode 8,95 meter i kule 4 kg. Tone hadde den gode serien 8,20 -  8,13 - 7,83 - 8,95 - X - 8,37. Hovudøvinga til Tone er spydkast og ho har frå før EM-medalje i spyd for veteraner. Då er det ekstra imponerande at ho karer å hevde seg så godt også i kule på nasjonalt og nordisk nivå.

Det er stor stas for Ørsta IL friidrett at klubben har to veteraner som er i norgeseliten i veteranfriidrett. Ekstra stas er det at Grete og Tone er mor og datter.

NM i friidrett veteran innandørs vert arrangert i saman med Nordisk mesterskap for veteraner innandørsbi helga 14-16. februar på Nes arena i Nes kommune i Akershus.