Pia tilbake i landstoppen -
bronse i UM
Pia Flatjord Tofteland (J15) tok bronse i tresteg med gode 10,81 m på UM innadørs (NM i friidrett for ungdom)
i helga. Trestegresultatet er ny personleg rekord og ny klubbrekord J15. Pia er no inne på topp-3 lista for seniorresultat i tresteg gjennom alle tider i Ørsta IL friidrett.
Pia imponerte stort også i lengde og på 200 m. Ho kom på fjerdeplass i lengde med ny personleg rekord på 4,84 m. Pia tok seg til finale på 200 m og fekk 5 plass. Ho sprang 200 m på 27,28 sek.
Pia er no tilbake i storform etter ein lang skadeperiode i fjor. Ho har ein unik kombinasjon av treningstalent, konkurranseinstinkt og friidrettstalent.
Det vert svært spennande å følge med Pia vidare.
UM er NM i friidrett for ungdom. UM innandørs vart arrangert i Sandnes 8. - 10.mars 2024. Resultata finn de på uminne2024.no
Olve Øyehaug, Ørsta IL friidrett.